Tað eftir hondini rúgvusmikla tilfarið her á heimasíðuni er nú skipað í bólkar, og ger hetta tað vónandi lættari at koma framá eitthvørt av áhuga.
Ymisk eru áhugamál menniskjans. Fyri einum góðum ári síðani hevði ein amerikumaður eina viðmerking á heimasíðu mínari – bygdin.fo. Amerikumaðurin hevði lagt til merkis, at tvey høv vóru við Gjógv: Havið hjá Kvívíks-Jógvani og Havið hjá Pæturi í Sámalsstovu. Samstundis boðaði hann frá, at hann ætlaði sær at koma til Føroyar í 2022 at lyfta høv.
Fyrst og fremst er heimasíðan - bygdin.fo - ein skráseting við myndum og frágreiðingum av øllum staðanøvnunum við Gjógv, men tó er innmarkin ikki teldutøk enn. Myndasavnið, ið kann takast sum eitt klípi í varðveitsluni av virksemi og persónum, verður dúgliga vitjað. Tað er stuttligt at merkja. Heilsanir í gestabókini og viðmerkingar til myndirnar fløva.